2018(e)ko maiatzaren 7(a), astelehena

MARIA,GURE AMA.



Karmengo Ama, maite maitia
guztiz eder ta biguna
izan zakiguz ludi honetan 
Geure pozgarri laguna,
geure pozgarri laguna.

2018(e)ko otsailaren 14(a), asteazkena

Garizuma: bizitza eraldatzeko garaia.

Berrogei egunek osatzen dute Garizuma. Hausterre egunean hasi eta Erramu iganderarte irauten du.
Garizuma parkamenerako eta elkarbizikidetzarako garaia da.

 

2018(e)ko otsailaren 6(a), asteartea

Eguen zuri

Euskal Herriko ospakizunetan zabalera handiko jaia da. Egun honetan Santa Ageda bezperaren antzera koplak abesten dira. Antzina, bildutako diruaz merienda ederra egiten zuten.

Txitxiburduntzi egiteko eguna ere bada toki askotan. Gure ikastetxean Eguen zuriko koplak abestu ondoren, txitxiburduntzi egiten dugu.




2018(e)ko otsailaren 2(a), ostirala

San Blas


Otsailaren 3an, San Blas eguna ospatzen da. San Blas,Sabateko apizpikua, ezaguna zen bere medikuntza trebetasunagatik. Herriko sinistearen arabera, San Blas-ek arrain arantza batekin itoteko zorian zegoen ume bat salbatu zuen. Harrezkero, santu hau gaixotasunen eta eztarriko minen patroia da.

Euskal Herriko herri gehienetan bedeinkazio bereziak egiteko ohitura.


Gozokiak, opilak, erroskilak eta kolore guztietako hari bereziak, sanblasari izenaz ezagutzen direnak, bedeinkatzera eramaten dira. Bedeinkatu ondoren eztarriko minak eta gaixotasunak aldentzeko gaitasuna omen dute.

San Blas hariak 9 egun pasa ondoren, errre egin behar dira gaitzarekin amaitzeko.
Kandela egunean hasi eta inauteriak amaitu arte tostadak jateko ohiturarekin jarraitzen da.

2018(e)ko otsailaren 1(a), osteguna

Kandela eguna

Ama Birginaren Garbikuntza ospatzen duen jai kristaua da, otsailaren 2an ospatzen dena. Eliza katolikoarentzat antzinean inauteriei hasiera emateko data zen. Egun horretan mezara eramaten ziren kandelak bedeinkatzera. Kandela horiek gorde egiten ziren etxean leku jakin batean eta estutasunen bat zegoenean,     piztu egiten zen kandela horietako bat babesa lortzeko:

  • familiako norbaitek gaixotasun larria zuenean.
  • Etxeko bat hiltzen zenean gaubeilan erabiltzen zen.
  • ekaitz egunetan ere etxea eta bertan bizi zirenak babesteko.

 Egun horretan   tostadak jateko ohitura ere badago.Animatzen bazarete, hemen dauzkazue errezetak, bi modu desberdinetan egin ahal izateko.




2018(e)ko urtarrilaren 30(a), asteartea

Bakearen eguna


Ez dago BAKEA lortzeko biderik, bidea BAKEA da. / No hay un camino para la PAZ, la Paz es el camino. 
                                                                         Mahatma Gandhi